Archive | Aktivitete

NJOFTIM ME RËNDËSI: Shtyhet afati për regjistrimin e nxënësve në klasën e 10-të

testi i arrsihtmeshire

 

 

 

 

 

Në bazë të rrethanave të reja të krijuara për shkak të përhapjes së pandemisë Covid-19 dhe duke u mbështetur ne njoftimin e MASHT-it të datës 18 qershor 2020 se shtyhet mbajtja e testit të arritshmërisë deri më datë 20 gusht 2020, jemi të shtyrë që të shtyhet afati për pranimin e nxënësve në klasën e 10-të. Ky vendim vie duke u mbështetur në procedurat administrative që,  nxënësi nuk mund të pajisjet me dëftesë të klasës 6-9 pa iu nënshtruar testit të arritshmërisë, si rrjedhojë edhe nuk mund të procedohet tutje regjistrimi i tyre në klasën e 10-të.

Për çdo informatë të re rreth regjistrimit të nxënësve në klasën e 10-të do të njoftohen me kohë dhe gjithmonë në përputhje me vendimit e organeve të MASHT-it, DKA-së dhe IKSHP-së.

Me respekt,

Drejtoria e M.M. “Alauddin”


Posted in AktiviteteComments Off

Riprovimet ne afatin e qershorit

Njoftohen të gjithë nxënësit që duhet riprovuar në ndonjë lëndë mësimore, se riprovimet do të mbahen me datë 29 qershor 2020.

Për shkak te pandemisë Covid -19 dhe rrethanave që gjendemi, ato do mbahen virtualisht.

 

Drejtoria e Medresesë së mesme “ Alauddin” të gjithëve iu dëshiron suksese në punë!

 

 

 

Posted in AktiviteteComments Off

KONKURS PER DREJTOR TE MEDRESESE SE MESME “ALAUDDIN”

Në bazë të nenit 40 alineja 3. të Statutit të Medresesë së Mesme “Alauddin“ në Prishtinë. Pleqësia e Medresesë shpall:

 

K O N  K  U R S

 

Për zgjedhjen e Drejtorit të Medresesë së Mesme Alauddin”, me mandat katërvjeçar.

 

KUSHTET

 

Kandidatët e paraqitur duhet t’i plotësojnë këto kushte:

  1. Të kenë të kryer Medresenë e Mesme dhe përgatitjen superior;
  2. Të kenë pesë vjet përvojë pune në punët dhe detyrat e arsimit;
  3. Të kenë cilësi moralo-fetare, dhe
  4. Të kenë aftësi menaxhuese dhe

 

Bashkë me kërkesën e paraqitur, kandidati duhet të bashkëngjis edhe këto dokumente:

  1. Dëshminë mbi kryerjen e Medresesë;
  2. Dëshminë mbi kryerjen e shkollimit superior;
  3. Dëshminë mbi përvojën e punës në institucionet arsimore;
  4. CV — në, dhe;
  5. Planin e punës për mandatin katër vjeçar.

 

Dokumentet e kompletuara duhet të dorëzohen në Medresenë e Mesme Alauddin“. shkolla amë. Ky konkurs publikohet në adresën elektronike të Medresesë.

Konkursi mbetet i hapur nga data 03/06/2020 deri më 23/06/2020 në ora 16.00.

Dokumentet e pakompletuara. si dhe ato që arrijnë pas afatit tw paraparë, nuk do të merren në shqyrtim.

 

Kryetar i pleqësisë
Mr. Samir Ahmeti

konkursi per drejtor 002

Posted in AktiviteteComments Off

Mesazh urimi nga drejtori i Medresese “Alauddin” Mr. Jakup Çunaku me rastin e fillimit te Ramazanit

Es-selamu alejkum!

Të nderuar mësimdhënës, edukatorë e nxënës!

Të respektuar bashkëpunëtorë dhe punëtorë në Medresenë tonë!

Shumë të çmuar Ju miq e dashamirë të Medresesë! 

Sot, me anë të kësaj videoje po iu drejtohem në rrethana të tjera, jo të zakonshme me qëllimin e vetëm, që përveçse t’ju uroj mirëqenie në familje e në shëndet, njëkohësisht dëshiroj t’ju uroj fillim e muajit të bekuar të Ramazanit, me lutje për agjërim të lehtë, vepra të mira e të shtuara, solidaritet më të theksuar me atë që kanë nevojë, e padyshim me shpresë për shpërblim nga i Gjithmëshirshmi, në fund të këtij muaji!

Ky Ramazan po në gjen në një gjendje jo si në vitet e kaluara. Në të kaluarën, në shkollën tonë përgatitjet fillonin me herët si për menynë e syfyrit e të iftarit, po ashtu edhe për faljen e teravive në mjedisin tonë shkollor, iftaret me miqtë e shkollës, iftaret me shumë nxënës dhe dashamirë të tjerë. Por sivjet asnjë prej këtyre organizimeve nuk do të mund t’i realizojmë. Sot, ndonëse jemi fizikisht larg tjetrit, megjithatë mësimi online po vazhdon. Ky aktivitet sado pak po na bashkon dhe atë kryesisht falë një pune të mirë e të palodhshme të mësimdhënësve tanë si dhe të angazhimit shembullor nga nxënësit tanë të dashur. 

Sot kur jemi në prag të Ramazanit kemi nevojë të kujtojmë në formë të inkurajimit se, distancimi social dhe vetëizolimi në shtëpitë tonë përveç tjerash ka edhe dobitë e veta. Një izolim pak a shumë të ngjashëm e kishte praktikuar edhe vetë Muhamedi a.s. para se t’i vinte shpallja në shpellën Hira. Ai për një kohë izolohej në vetmi në shpellën Hira duke medituar e lutur Zotin. Pastaj mu në këtë gjendje izolimi i zbritën 5 ajetet e para nga Kurani fisnik dhe atë në muajin Ramazan. Në këto pesë ajete, dy herë përmendet fjala “Lexo” dhe dy herë fjala “ Mëso”. Këto dy fjalë të Kuranit Famëlartë i përfshijnë të gjitha mësimet që do t’i zbrisnin Muhammedit a.s. në të ardhmen. Në të vërtetë, ato do të përbënin bërthamën e një reforme në nivel botëror. Ky ishte momenti i kthesës për të dhe për gjithë njerëzimin mbarë. Prandaj, rregulli thotë se çdo vështirësi pasohet me  lehtësim, sukses e fitore!

Andaj, le të shfrytëzojmë këtë periudhë që përveç shtimit të ibadeteve tona, e në veçanti të leximit të Kuranit fisnik, të praktikojmë edhe ajetet e para të shpallura duke shtuar leximin dhe mësimin tonë në mënyrë që të përgatitemi edhe më tej e të jemi prej të dobishmëve për familjet, shoqërinë dhe vendin tonë. 

Si të tillë do jemi të suksesshëm në jetë, të dobishëm për njerëzit dhe njëherësh të dashur tek Zoti Ynë!

Në fund, dëshiroj t’i falënderoj të gjithë mësimdhënësit për punën e tyre në këto rrethana, nxënësit për angazhimin e tyre në mësim-nxënie, punëtorët e tjerë për punën që po bëjnë, por edhe të gjithë dashamirët dhe miqtë e shkollës sonë për përkrahjen e tyre të vazhduar ndaj Institucionit tonë! Shpresojmë dhe besojmë se kjo përkrahje të mos na mungoj edhe më tej!

Qoftë ky muaj i Ramazanit i bekuar dhe i begatshëm për të gjithë ne dhe urojmë që sa më shpejt t’i kthehemi jetës normale!

Shëndet dhe paqe për të gjithë ju!

Ve selamu alejkum!

 


Posted in AktiviteteComments Off

NJOFTIM- Fillon mesimi ne distance (online)

Njoftojmë të gjithë nxënësit e MM “Alauddin” në Prishtinë, Gjilan dhe Prizren se, nga nesër (e hënë) do të fillojmë me mësimin në distancë (online). Drejtoria e shkollës  bashkë me të gjithë mësimdhënësit/et kanë marr hapat e nevojshëm në ngritjen e kapaciteteve teknike dhe logjistike. Orari mësimor do  të shpërndahet nga kujdestarët e klasave tek nxënësit gjatë ditës së sotme.

Andaj, prezantimi në orët e mësimit nëpërmjet platformës “Zoom” përveç që është më se e dobishme për nxënësit, është edhe e domosdoshme. Kështu, do të mundohem bashkë  të kompensojmë deri në një masë mësimin e rregullt deri në krijimin e kushteve për mbarëvajtje të mësimit normal në shkollë.

Lusim Allahun që të na jep bereqet në punën tonë dhe të na mundësoj që shumë shpejt të kthehemi në bankat e shkollës!

Ue selamu alejkum,

M.M. “Alauddin”

 

Posted in AktiviteteComments Off

Page 1 of 4212345...102030...Last »

“Thërriti në rrugën e Zotit tënd me urtësi dhe këshilla të mira dhe polemizo me ta me atë mënyrë që është më e mira.” (Nahl, 16:125)

Get Adobe Flash player Wordpress Plugin By Tax Accountant

Mirënjohjet

Kalendar

July 2020
M T W T F S S
« Jun    
 12345
6789101112
13141516171819
20212223242526
2728293031  

Kyqu në E-mail