“Ma rrëfe qëndrimin e Zotit, për veprën time”

Më datën 13.03.2019. në amfiteatrin e Medresesë u mbajt një aktivitet mësimor, nga paralelja e vajzave, rrespektivisht nga klasa e 12-3 dhe 12-4, në lëndën e Usuli Fikhut-Bazat e Jurisprudencës Islame. Aktiviteti  ishte emërtuar me titullin-slloganin: “Ma rrëfe qëndrimin e Zotit, për veprën time”.

Gjatë këtij aktiviteti, nxënëset paraqitën nepërmes disa  sllajdeve dhe videove, por në mënyrë tejet kreative,  këndvështrimet  e tyre rreth disa çëshjeve  thelbësore të kësaj shkence, e cila mësohet vetëm në klasën e 12-të në Medrese.

Aty u demonstrua edhe në formë praktike mënyra e nxjerrjes së normave juridike islame nga burimet juridike islame. Ishin nxnëset e klasëve më të ulëta ato që pyetnin për disa çështje të një rëndësie të veçantë, dhe të njejtave iu përgjigjeshin nxënëset maturante, duke u bazuar në njohuritë  e tyre që kishin marrë tashmë në lëndën e Usulit.

Ky program u mundësua edhe falë përkrahjes së profesorëve të kësaj lënde, prof. Driton Arifi dhe prof. Valbona Asllani. Gjatë këtij programi ishte profesoresha Asllani ajo  që  iu drejtua me një fjalë inkurajuese drejtuar nxënëseve , duke shprehur kënaqësinë që ishte pjesë e një projekti kaq me vlerë për nxnëset dhe shkollën tonë. Ndërsa krejt në fund drejtori i shkollës, Jakup ef.Çunaku dha vlerësimin e tij motivues për punën e nxnëseve të klasëve të 12-ta, nga paralelja e vajzave, dhe duke i falënderuar për punën, ai edhe shprehu gadishmërinë e tij që të tilla aktivitete gjithnjë do të jenë të mirëpritura nga ana e drejtorisë dhe shkollës.

Mbesim me shpresë që aktivitete të tilla të jenë pjesë e pandashme e procesit edukativo- arsimor në shkollën tonë.

Medresistët po marrin pjesë në panairin e shkencës dhe kulturës  të organizuar nga lëvizja Koha në Vushtrri. Në këtë panair po marrim pjesë mbi 20 shkolla nga shumë qytete të Kosovës dhe gjetiu. Nxënësit kanë mundësinë  të demonstrojnë njohuritë e tyre në disa fusha nëpërmjet eksperimenteve të ndryshme. Njëherit, shkëmbejnë përvojat më të mira në të njohurive në fushën e fizikës, kimisë, biologjisë, arkitekturës, dizajnit, robotikës, etj..

Medreseje e mesme Alauddin merr pjesë për herë të tretë në këtë panair dhe demonstrimi i njohurive është i fokusuar në fushën e kimisë, fizikës, biologjisë, gjeografisë dhe matematikës.  Kësaj radhe Medresenë e përfaqësojnë pesë nxënës, të cilët janë edhe pjesë e grupit të shkencëtarëve të rinj në Medresesë e që janë; Granit Sadiku, Mumin Baftiu, Ardit Krasniqi, Armend Kolica dhe Albin Kurtishi. Kurse Miran Shehu dhe Ermal Cej janë të përzgjedhur sivjet pjese e këshillit organizativ.

Drejtori i Medresesë Jakup Çunaku bëri një vizitë këtij panairi më qëllim të inkurajimit të medresistëve për punën e mirë që janë duke bërë  në prezantimin e vlerave të shkollës sonë.

Dje, për nder të ditëlindjes së Muhamedit a.s. dhe festës së 28 Nëntorit Medreseja organizoi prorgram ligjëratë dhe program kulturor. Programi u begatua edhe më me prezencën e krerëve të Bashkësisë Islame të Kosovës, përfaqësuesve nga Ministria e Arsimit e Kosovës, pastaj nga Dijanet-i dhe Yunus Emre, Stacioni policor nr. 3 në Prishtinë, Qendra e Mjekësisë Familjare në Prishtinë, si dhe qytetarë të shumtë.

Të pranishmit, me një fjalë rasti i përshëndeti Myftiu i Kosovës, Naim ef. Tërnava, si dhe drejtori i M. M. Alaudin Jakup Çunaku, ndërsa kryeimami i BIRK-ut, Sabri ef. Bajgora mbajti një ligjëratë të shkurtër dhe të thukët për jetën dhe veprën e Muhamedit a.s.

Pas kësaj të pranishmit patën rastin të kalojnë çaste të këndshme duke ndjekur programin artistik të përgatitur prej nxënësve të shkollës, për t’u ndarë në fund tepër të kënaqur.

Në mbrëmjen e ditës së mërkure të muajit nëntor,  Myftiu i Kosovës kishte zgjedhur ambientet e Medresesë Alauddin në Prishtë të bashkëbisedoi  me nxënësit e Medresesë.  Pas leximit ët disa ajeteve kuranore nga nxënësi Gentrit Osmani, drejtori i Medresesë Jakup Çunaku i uroj mirë se ardhje Myftiut dhe në emrin e shkollës e uroj për rizgjedhjen në pozitën e Kryetarit të BIRK-ut edhe për një mandat.  Pastaj, drejtori hapi bisedën me Myftiun duke kërkuar nga ai të ndanë disa përvoja personale duke qenë  si ish medresistë, pastaj mësimdhënës e drejtor i Medresesë për disa vite.

Myftiu Naim ef. Tërnava shprehu kënaqësinë  e tij që sonte është në Medresesë duke shtuar se kjo shkollë në çdo kohë dhe rrethana ka dhënë kontributin e vet për edukim fetar e atë kombëtar. Ai porositi  nxënësit që edhe me tej të angazhohen në mësimin e drejtë e parimeve fetare nga bankat e kësaj shkolle, duke shtuar kujdesin se edukimi jo i drejtë fetarë sjellë pasoja të mëdha për shoqërinë njerëzore, sikur që tani jemi dëshmitarë i zhvillimeve të ndryshme anë e kënd botës.

Së bashku dhe me ndihmën e Zotit të bëjmë shumë që të ndërtojmë këtë shoqëri  tutje, me vlerat tona kombëtare e fetare dhe ne do jemi akterë të rëndësishëm në të ardhmen  brenda trojeve tona, Ndaj vlerat tona si morali, respekti, nderi,  besa e shumë të tjera nuk duhet anashkaluar asnjëherë, tha Myftiu i Republikës.

Njëherit Myftiu i uroj nxënësit me rastin e muajit të Rebiul Evvel , duke udhëzuar nxënësit që ta kenë shembull praktik figurën e Muhamedit a.s. dhe mësimet e tij.

Nxënësit e Medresesë patën rastin për të shtruar pyetje të natyrave të ndryshme dhe në fund morën një foto të përbashkët.

MM Alauddin

14 nentor 2018

Nw ambientet e Medresesë u mbajt  një  aktivitet në lëndën e Akaidit.

Aktivitet i ishte organizuar në lëndën e  shkencës së Akaidit (besimit), e cila shkencë  është njëra ndër  më të rëndësishmet në kuadër të shkencave islame, njihet edhe si  gardian i besimit.

Pas leximit të fjalëve nga Kur’ani Famëlartë, fjalën e mori drejtori i Medresesë Mr.Jakup Çunaku. Drejtori përshëndeti stafin edukativo-arsimor dhe nxënëset, falënderim të veçantë shprehu për profesoreshën e Akaidit dhe paralelet e klasave të dhjeta, ku shprehu gatishmërinë e tij për përkrahje të vazhdueshme, ndër të tjerash tha: “kanë kaluar vetëm dy muaj e dhjetë ditë dhe ja, i shohim nxënëset tona  të aktivizuara në aktivitete, një nismë e mirë dhe model i suksesshëm”. Pastaj, nxënëset vazhduan aktivitetin e tyre me pikat e përgatitura ku paraqiten argumentet fetare, logjike dhe shkencore që Zoti ekziston. Nëpërmjet këtij aktiviteti u demonstrua  praktikisht cilësia e Allahut “ El-vuxhud”.