Vizitë në Muzeun Etnologjik në Prishtinë

Nxënësit e klasës 12/1 së bashku me profesorin e gjuhës angleze, të enjten më 02.05.2013 vizituan Muzeun Etnologjik të Kosovës në Prishtinë. Pritja nga ana e stafit të muzeut ishte mjaft e ngrohtë ndërsa përshtypjet e nxënësve ishin shumë të mira.

Në këtë vizitë nxënësit patën rastin që të njihen me etnologjinë shqiptare në përgjithësi dhe të shohin për së afërmi eksponate të ndryshme të kulturës dhe traditës shqiptare në shekujt e kaluar.

Vizita e muzeut ishte e një rëndësie të vecantë për nxënësit tanë, sepse gjërat me të cilat u ballfaquan aty do t’ju shërbejnë si element i ri në formimin e drejtë të tyre si individë të sotëm dhe profesionistë të ardhshëm.

………………….

Pas vizitës së muzeut nxënësit vizituan Fakultetin e Studimeve Islame në Prishtinë, dhe mbajtën orën implementuese të gjuhës angleze lidhur me rininë – the youth.

Pas prezantimeve të nxënësve lidhur me temën e rinisë, ata i përshëndeti Myftiu i Kosovës, Mr. Naim Tërnava, ndërsa për cështjet që kanë të bëjnë me të rinjtë dhe fuqizimin dhe përkrahjen e rinisë, nxënësit bashkëbiseduan me një mysafir special nga Mozambiku, z. Hose Sulemane, përfaqësues resident i Fondit Monetar Ndërkombëtar në Kosovë.

Posted in AktiviteteComments Off

Maturantet e Medresesë Alauddin bën duanë e Hatmes

E premtja  e parë e muajit Maj të vitit 2013 ishte një ditë e veçantë për maturantet e Medresesë Alauddin në Prishtinë. Ato në këtë ditë kurorëzuan leximin e Kur’anit që kishin filluar që në vitin e parë  me një dua special në prani të një numri të konsiderueshëm të mësimdhënësve dhe të familjarëve të shumtë anë e kënd Kosovës.

Programi filloi me leximin e ajeteve nga Kur’ani fisnik që është edhe traditë shumë e mirë në medrese. Më pastaj drejtori Bahri Siminca hapi programin e hatmes  duke përshëndetur dhe uruar  mirëseardhje të gjithë  mysafirëve. Pastaj në  foltore doli kujdestari dhe njëherit edhe profesori i lendes së Kur’anit  Jakup  Çunaku , i cili  iu drejtuat të pranishmëve  me fjalët miradije për këtë gjeneratë.

Më pastaj në emrin ë nxënësve i falënderoi nxënësja Merjeme Kqiku profesorët , administratën e shkollës dhe te gjithë familjarët. Ai nuk kurseu fjalët më të mira për këtë tempull dije, qe do mbetet gjithnjë në kujtesën tonë, përfundoi ajo.

Në vazhdim në emër të familjarëve  iu drejtua  Dr.Zija Abdullahu, i cili i entuziazmuar me suksesin , ai theksoi se për këtë është meritor të falënderohet Allahu.

Ky manifestim vazhdoi me  programin e përgatitur nga nxënëset maturante. Ishte një program mjaft i pasur me recitim, ese e ilahi të ndryshme.

Programi vazhdoi me pikën kyçe, leximin e nga një pjese të Kuranit nga secila nxënëse. Në fund u lexua duaja e hatmes e cila solli emocione shumë të mira.

Medreseja Alauddin uron nxënësit për hatmen, duke lutur Allahun e Lartë  që Kur’ani fisnik të jetë udhërrëfyes për të gjithë në jetën e dynjasë kurse dritë e ndërmjetësues në ahiret.

Pas programit për të pranishmit u shtrua drekë.

03.05.2013

Posted in AktiviteteComments Off

Prezantimi i programit KYEP

Javën e kaluar është bërë prezantimi i dytë i programit të shkëmbimit të nxënësve kosovarë për mundësi shkollimi njëvjecar në SHBA nga ana e stafit të angazhuar nga Ambasada e Shteteve të Bashkuara të Amerikës në Prishtinë.

Fokusi i programit janë nxënësit e klasëve të dhjeta dhe njëmbëdhjeta para të cilëve është prezantuar programi në tërësi, duke përfshirë përmbajtjen e plotë, procedurën e aplikimit, intervistimin/testimin dhe përzgjedhjen e kandidatëve, etj.

Programi KYEP – Kosovo Youth Exhange Program është program i SHBA-ve për të rinjtë e Kosovës, për të kaluar një vit akademik/shkollor në shkollat amerikane. Ndër kushtet kryësore për kandidatët janë shkathtësitë e shkëlqyeshme në gjuhën angleze, pjesëmarrja e nxënësve në punët vullnetare në ndihmë komunitetit, suksesi i përgjithshëm, etj.

Prill 2013 / Prishtinë

Posted in AktiviteteComments Off

Aktivitet në lëndën e gjuhës angleze

Klasa 12/1 javën e kaluar ishte pjesë e një ore të vecantë në lëndën e gjuhës angleze. Profesori i lëndës dhe nxënësit për një orë mësimore, përmes ushtrimeve, diskutimeve, debatit dhe punës në grupe, provuan kapacitetet rreth cështjeve që kanë të bëjnë me të rinjtë, me temën: The Youth – Rinia.

Aktivitetet në lëndë të ndryshme në shkollën tonë, të karakterit ekstra-kurikul janë mjaft të shpeshta dhe mirëpriten mjaft mirë nga ana e nxënësve.

Edhe në këtë aktivitet nxënësit demonstruan shkathtësitë, fuqinë dhe elanin e tyre duke i dhënë orës gjallëri e freski të vecantë.

Në këtë aktivitet pati edhe të ftuar të tjerë dhe profesorë të lëndëve të tjera në medrese.

Ora e mbajtur është cilësuar si përgatitore, ndërsa implementimi dhe realizimi i plotë në formë prezantimesh do të bëhet në Muzeun Etnologjik në Prishtinë.

Posted in AktiviteteComments Off

Panoja e maturanteve; gjenerata e 12-të

Maturantet sapo kane pergatitur panon. Kjo është gjenerata e 12-të  që përfundoi me sukses shkollimin në Medresen e Mesme Alauddin. Të gjitha këto nxënëse kanë ndjekur mësim gjatë vitëve 2009-2013.

Posted in AktiviteteComments Off

Page 29 of 66« First...1020...2728293031...405060...Last »

“Thërriti në rrugën e Zotit tënd me urtësi dhe këshilla të mira dhe polemizo me ta me atë mënyrë që është më e mira.” (Nahl, 16:125)

Get Adobe Flash player Wordpress Plugin By Tax Accountant

Mirënjohjet

Kalendar

July 2020
M T W T F S S
« Jun    
 12345
6789101112
13141516171819
20212223242526
2728293031  

Kyqu në E-mail