Një orë mësimore e gjuhës angleze kushtuar Ditës së Pavarësisë së Kosovës – 17 Shkurti

Për nder të Ditës së Pavarësisë së Kosovës – 17 Shkurti, një orë mësimore e gjuhës angleze i është kushtuar kësaj dite.
‘Mëso anglishten përmes poezisë’ ishte motoja e orës mësimore. Në këtë orë mësimore të shndërruar në një ambient inspirues dhe skenik, nxënësit e përpunuan, e mësuan dhe e interpretuan në forma të ndryshme artistike poezinë e titulluar ‘The Independence Day’, shkruar nga prof. Ejup Ramadani.

Autori i poezisë nxënësve të klasës 11/2 iu ka dhuruar nga një kopje të dizajnuar të poezisë, ndërsa drejtori Jakup Çunaku dhe profesori i lëndës Xhevdet Rusinovci e kanë bërë shpërndarjen e tyre në klasë, si simbolikë e mirënjohjes për punën e nxënësve.

Posted in AktiviteteComments Off

Takimi i drejtorit z. Cunaku me medresiste ne Ankara

Këto ditë në Ankara drejtori i M.M. Alauddin, Jakup Çunaku, së bashku me koordinatorin e degës në Gjilan, Arben Nezirin, dhe dekanin e FSI-së në Prishtinë, Dr. Fahrush Rexhepin, takuan një numer të studentëve nga Kosova. Me ata u biseduan për rëndësinë e avancimit të tyre në shkenca të ndryshme, si dhe për çështjen e arsimit në institucionet tona arsimore në Kosovë. Ndër të tjera drejtori i Medresesë shfrytëzoi rastin të bashkëbisedojë edhe me studentët që e kanë perfunduar Medresenë Alauddin, duke i njoftuar ata për proceset që tani po kalon Medreseja, si dhe për sukseset dhe sfidat.

Kjo vizitë u realizua falë organizatës turke Besader, e cila për 10 vjet radhazi tubon studentët nga Ballkani.

Posted in AktiviteteComments Off

Garat e Kuranit – Paralelja e djemve

Në ambientet e Medresesë në Prishtinë u mbajtën garat e Kuranit, me paralelen e djemve, të klasave të njëmbëdhjeta dhe të dymbëdhjeta.

Në emër të Kryesisë nxënësit i përshëndeti kryeimami i BIK-ut, Sabri ef. Bajgora, me ç ‘rast edhe u foli nxënësve për rëndësinë e mësimit të Kuranit dhe pasimit të mësimeve të tij.
Pastaj drejtori i Medresesë “Alauddin”, Jakup ef. Çunaku, pasi i përshëndeti nxënësit dhe iu uroi suksese, tha: “Kurani duhet të jetë model i përkryer i sjelljeve tona në jetë”. Më pas drejtori i shpalli garat e hapura.
Nxënësit garues u vlerësuan nga komisioni vlerësues i përbërë prej: Sabri Bajgora – kryeimami i Kosovës, Driton Arifi-profesor në M.M. Alaudin në Prishtinë, Mustafë Hajdari- profesor në Gjilan, dhe Ramadan Uka- koordinator dhe mësimdhënës në Prizren.
Garat u udhëhoqen nga moderatori, prof. Ekrem Maqedonci.
Rezultatet e garave ishin si në vijim:
Vendi i parë për klasët e njëmbëdhjeta i takoi klasës së 11/2 Prishtinë; vendi i dytë klasës së 11/1 Prishtinë, dhe vendi i tretë 11 nga Prizreni.
Kurse për klasat e dymbëdhjeta, vendi i parë i takoi klasës së 12/2 Prishtinë, vendi i dytë 12/3 Prishtinë, dhe vendi i tretë 12/1 Prishtinë.
Drejtoria e shkollës për nxënësit fitues ndau mirënjohje dhe shpërblime.
Urime dhe suksese të tjera nxënësve edhe në të ardhmen!

 

Posted in AktiviteteComments Off

Garat e Kuranit – Paralelja e vajzave

Në ambientet e Medresesë në Prishtinë u mbajten garat e Kuranit, me paralelen e vajzave, të klasëve të njëmbëdhjeta dhe dymbëdhjeta.

Në hapjen e garave mori pjesë edhe myftiu i Kosovës Naim ef. Tërrnava me ç’rast mbajti edhe nje fjalë rasti ku pershendeti nxënëset dhe i inkurajoi ato që të vazhdojnë me leximin dhe mësimin e Kuranit Fisnik.
Pastaj drejtori i Medresesë “Alauddin” Jakup ef. Çunaku pasi që i përshendeti nxënëset dhe u uroj suksese atyre, i shpalli garat e hapura.
Nxënëset garuese u vlerësuan nga komisioni vlerësues i përbërë nga Sabri Bajgora – kryeimami i Kosovës, Safet Hoxha- profesor në FSI- Prishtinë, Hatixhe Jashanica-Sadriu-mësimdhënëse dhe Ramadan Uka – koordinator dhe mësimdhënës, kurse u udhëhoqen nga moderatori prof. Driton Arifi.
Rezultatet e garave ishin si në vijim:
Vendi i parë për klasët e njëmbëdhjeta i takoi klasës së 11/5 Prizeren, vendi i dytë klasës së 11/4 Prishtinë, dhe vendi i tretë 11/3 Prishtinë.
Kurse për klasët e dymbëdhjeta, vendi i parë i takoi klasës së 12/5 Prishtinë, vendi i dytë 12/4 Prishtinë, dhe vendi i tretë 12/7 Prizeren.
Drejtoria e shkollës per vajzat garuese ndau mirënjohje dhe shpërblime.

Posted in AktiviteteComments Off

Festivali i Recitatoreve dhe Dita e Mësuesit

Me rastin e 7 dhe 8 marsit, Drejtoria e Arsimit në Prishtinë dhe Medreseja “Alauddin” organizuan një program të larmishëm artistik e kulturor. Amfiteatri i shkollës sonë ishte i vogël për akomodimin e shumë veteranëve të arsimit, drejtorëve të shkollave, mësimdhënësve të shumtë e mysafirëve të tjerë. Programi kulturor i përgatitur nga disa shkolla të Prishtinës i dha sharmin e vet këtij programi. Z. Salihaj, ndër të tjera, vuri në theks kontributin e vazhdueshëm të mësimdhënësve ndër vite. Ai shprehu admirimin e tij para kësaj kategorie të çmuar të shoqërisë sonë. Kurse drejtori i Medresesë, z. Çunaku falënderoi të pranishmit, dhe theksoi se mësuesi është piedestali i të gjithë profesioneve, kurse nënat shqiptare ishin dhe janë shtyllë e rëndësishme e shoqërisë sonë.

Në këtë takim u ndanë edhe shumë mirënjohje për veteranë të arsimit, mësimdhënës të dalluar, drejtorë të shquar etj. Medreseja Alauddin ishte e nderuar me rastin e ndarjes së mirënjohjes për profesorin tonë Bajrush ef. Ahmetin nga DKA e Prishtinës, e i cili me dekada dha kontribut në Medrese. Përndryshe, Bajrush ef. Ahmeti ishte edhe autor i gjashtë (6) teksteve shkollore të Medresesë Alauddin. Vlen te theksohet qe kjo eshët hera e pare që DKA ndanë mirënjohje për një mësimdhënës të Medresesë Alauddin.

Po ashtu këtu u ndanë mirënjohje dhe dhurata për tre vendet më të mira në Festivalin e Recitatorëve, që u mbajt në Medresenë Alauddin në Prishtinë. Vendi i parë i takoi nxënëses Aurorë Aliu, vendi i dytë Kasim Gërbeshi (që të dy nxënës të Medresesë Alauddin), dhe vendi i tretë Erona Mulollit, nxënëse e Gjimnazit “Sami Frashëri” në Prishtinë.
Medreseja Alauddin për të gjithë mysafirët shtroi një drekë në restorantin e shkollës.

 

Posted in AktiviteteComments Off

Page 6 of 64« First...45678...203040...Last »

“Thërriti në rrugën e Zotit tënd me urtësi dhe këshilla të mira dhe polemizo me ta me atë mënyrë që është më e mira.” (Nahl, 16:125)

Get Adobe Flash player Wordpress Plugin By Tax Accountant

Mirënjohjet

Kalendar

September 2019
M T W T F S S
« Aug    
 1
2345678
9101112131415
16171819202122
23242526272829
30  

Kyqu në E-mail