Categorized | Aktivitete

Permbyllja e garave te Kuranit ne nivel te medreseve ne Ballkan

Garat e Kuranit në nivel të medreseve të Ballkanit, të cilat u mbajtën nën patronazhin e kryetarit të Bashkësisë Islame të Republikës së Kosovës, Myftiut Naim Tërnava, dhe të organizuara nga Medreseja e Mesme “Alauddin”, përfunduan sot. Gjatë këtyre ditëve në këto gara morën pjesë nxënës dhe nxënëse të medreseve të Ballkanit nga Kosova, Shqipëria, Turqia, Maqedoni, Mali i Zi, Kroacia, Bullgaria dhe Sanxhaku dhe patën rastin të shfaqin talentin dhe performancën e tyre në leximin-këndimin e Kuranit.

Kjo është gara e parë që u organizua në nivel ballkanik dhe nga të gjithë pjesëmarrësit u falënderuam BIK-u, Myftiu Tërnava dhe medreseja si nikoqire për këtë organizim kaq madhështor. Në përmbyllje të kësaj gare mori fjalën Myftiu Tërnava i cili falënderoi të gjithë pjesëmarrësit në këtë garë duke theksuar se ishte një garë e fortë dhe nuk ka asnjë humbës. Ai është shprehur i mahnitur me paraqitjen dhe leximin e këtyre nxënësve, të cilët janë argument i qartë se Islami në këto troje është i fortë dhe i qëndrueshëm dhe myslimanët kanë identitet me të cilin krenohen. Ai ka veçuar se kjo traditë do të vazhdohet edhe në vitet e tjera dhe ky është vetëm një hap i mbarë drejt afrimit dhe organizimit të përvjetshëm të garave kuranore në nivel të medreseve në Ballkan. Ai ka falënderuar drejtorin e Medresesë Jakup Çunaku dhe stafin e tij për këtë organizim shumë të mirë të garave kuranore. Ai ka falënderuar edhe për prezencën e mysafirit nga Arabia Saudite dr. Abdulaziz Muhamed Kasimi nga Organizata Botërore e Kuranit dhe Sunetit, përfaqësuesin e Dijanetit të Turqisë Omer Faruku.

Më pas, drejtori i Medresesë “Alauddin” Jakup Çunaku në fjalën e tij përmbyllëse falënderoi të gjithë pjesëmarrësit në këtë garë duke i falënderuar edhe shkollat të cilat kanë dërguar nxënësit në këtë garë kuranore duke theksuar porosinë kuranore “bashkëpunoni në punë të mira dhe të mbara..” , edhe ky organizim i sivjetmë, që llogaritet i pari i këtij lloji – niveli në historinë e Medresesë “Alauddin”, është në vazhdën e bashkëpunimit të mirë e të ndërsjellë ndërmjet medreseve të mesme të Ballkanit. Ai ka falënderuar anëtarët e komisionit vlerësues, të cilët bën një punë shumë të mirë dhe kryen me përpikëri këtë përgjegjësi.

Këto gara i nderoi me pjesëmarrje edhe imami nga Gjermania Xhelal Kaloshi, i cili gjatë këtyre ditëve performoi me këndim të Kuranit dhe të disa ilahive duke impresionuar të pranishmit.

Me fjalë përshëndetëse u paraqitën edhe dr. Abdulaziz Muhamed Kasimi nga Organizata Botërore e Kuranit dhe Sunetit, përfaqësuesi i Dijanetit nga Turqia Omer Faruku, Abdullah Al Muhibi nga Arabia Saudite, ishte kryetar i komisionit për vlerësimin e garave dhe i cili në fjalën e tij iu drejtua të pranishmëve duke shprehur falënderim për BIK-un, në krye me Myftiun Tërnava që bën një organizim kaq të mirë të këtyre garave kuranore. Ai po ashtu ka falënderuar edhe shkollat e rajonit, të cilat ofruan një shembull të shkëlqyeshëm se si duhet të kujdesemi për fjalën e Allahut.

Garuesit i vlerësoi komisioni profesional me këtë përbërje: hfz. Safet Hoxha (Kosovë), hfz. Osman Egini (Turqi), Abdullah Al Muhibi (Arabi Saudite), hfz. Shafi Osmani (Maqedoni) dhe hfz. Irfan Maliqi (Novi Pazar).

Fituesit e tri vendeve të para në nivelin e garës për lexim të lirë janë sipas kësaj radhitjeje :

Muhamet Bilal Demirel (Stamboll),
Uvejs Haxhi (Prishtinë) dhe
Ismet Selimi (Maqedoni)

Në garën për hifz në pesë xhuza fituesit janë:

Yunus Emre Yanaz (Stamboll)
Jasin Abdullai (Shkup) dhe
Mustafa Dalku ( Kosovë)

Në garën për tre xhuza fituan:

Uvejs Haxhi (Prishtinë)
Burim Amdiu ( Shkup)
Alen Bala (Shkodër)

Në garën për hifz të xhuzit të 30-të fituan:

Enes Latifi (Prishtinë)
Besar Latifoviç (Novi Pazar)
Muhamed Musa Durlu (Bulgari)

Kurse në kategorinë e vajzave në nivelin e garave për lexim të lirë, fituan:

Aisha Mekiq (Noviz Pazar)
Fatime Nitaj (Prishtinë) dhe
Anisa Xhaferi (Shkodër)

Në nivelin e garës në hifz për 5 xhuza, radhitja ishte kjo:

Edina Baçevac (Novi Pazar)
Hatixhe Kadriu (Prishtinë)
Elvira Halimi (Shkup)

Në kategorinë e garës për 3 xhuza fituan:

Medina Bardhi (Shkodër)
Maida Haliloviq (Novi Pazar)
Blerina Gashi (Prishtinë).

Ndërsa në nivelin e garës hifz në xhuzin e 30-të, u renditën kështu:

1. Aisha Mekiq (Novi Pazar)

Arta Asllani (Prishtinë) dhe
Selma Asani (Shkup)

 

Ky postim eshte shkruar nga:

- i cili ka 309 poste ne Medreseja Alauddin Prishtinë.


Kontaktoni autorin

“Thërriti në rrugën e Zotit tënd me urtësi dhe këshilla të mira dhe polemizo me ta me atë mënyrë që është më e mira.” (Nahl, 16:125)

Get Adobe Flash player Wordpress Plugin By Tax Accountant

Mirënjohjet

Kalendar

December 2018
M T W T F S S
« Nov    
 12
3456789
10111213141516
17181920212223
24252627282930
31  

Kyqu në E-mail