Për nder të Ditës së Pavarësisë së Kosovës – 17 Shkurti, një orë mësimore e gjuhës angleze i është kushtuar kësaj dite.
‘Mëso anglishten përmes poezisë’ ishte motoja e orës mësimore. Në këtë orë mësimore të shndërruar në një ambient inspirues dhe skenik, nxënësit e përpunuan, e mësuan dhe e interpretuan në forma të ndryshme artistike poezinë e titulluar ‘The Independence Day’, shkruar nga prof. Ejup Ramadani.
Autori i poezisë nxënësve të klasës 11/2 iu ka dhuruar nga një kopje të dizajnuar të poezisë, ndërsa drejtori Jakup Çunaku dhe profesori i lëndës Xhevdet Rusinovci e kanë bërë shpërndarjen e tyre në klasë, si simbolikë e mirënjohjes për punën e nxënësve.
